STRUKTURA KOMISAUN ORGANIZADORA NO PARSEIRU SIRADILI 09 de Junhu 2008 / RFTL Representante Organizasaun Feto Timorense, individuais no organizasaun direitu umanu nian liu-husi Kolokiu nebe organizadu iha Fevereiru 2000, bainhira halo preparasaun ba primeiru Kongresu Feto Timor-Leste tinan ne’e duni, hahu halo rekomendasaun atu harí Rede Feto. Desizaun balun husi primeiru kongresu, Rede Feto atribuidu responsabilidade atu organiza Kongresu Feto Timorense iha periodu oin. Nune Rede Feto hahu organiza Segundu Kongresu Feto Timorese iha 2004, no halo Rekomendasoens nebe nudar resultadu kongresu. Iha loron 12 fulan Dezembro 2007, Reuniaun Anual Rede Feto, desidi forma Komisaun Organizadora (KO) espesiazada atu hala’o III Kongresu Feto Timorense. Membro KO mai husi organizasaun membro Rede Feto. Estrutura KO kompostu ema nain 6 no envolve tan husi Ezekutivu Rede Feto. Presidente Board Rede Feto, mak sei lidera Komisaun Organizadora no lala’ok servisu Komisaun nian lidera husi Koordenadora Geral Komisaun Organizadora Nasional. Komisaun Organizadora, ne’e hanesan grupu trabalhu ida nebe bele fahe ba ekipas nasionais atu tulun ba servisu tekniku hirak hodi hamutuk hala’o funsaun kona-ba lalaok III Kongres Feto Timorense. Komisaun Organizadora nia servisu fatin iha Sekretariadu Ejekutivu Rede Feto nian iha Colmera, Dili, Rua Mouzinho de Albuquerque. Servisu Komisaun Organizadora 1. Asumi responsabilidade hosi organiza atividade tomak; 2. Atu hatutan prosesu planifikasaun ba atividade atu realiza konferensia no kongresu; 3. Asegura no fasilita koordenasaun entre grupu servisu; 4. debate kona-ba tipu atividade; 5. Enkoraja servisu iha limites ho kapasidade nebe bele; 6. Akompaña implementasaun atividade nian; 7. Publikasaun kona-ba partisipasaun iha loron konsultas; 8. Hala’o atividade sa deit mak bele atinji servisu komisaun nian nebe hatur tiha ona. Atu atividade la’o diak liu iha nivel nasional, Komisaun Organizadora ne’ebe haklean ho estrutura ba, ekipa nasional nebe sei atribuidu knar hanesan Gizela Carvalho, Koordenadora Ekipa Nasional iha area produsaun dokumentus no lobby ; Ubalda Maria Filipe Alves, Koordenadora Ekipa Nasional iha area finansa ; Beba Sequeira, Koordenadora Ekipa Nasional iha area koordenasaun ho responsaveis distrito nian. Ekipa Nasional ida-idak sei hala’o knar hanesan responsabiliza ba atividade iha ida-idak nia area ; fasilita komunikasaun entre grupus; enkoraja partisipasaun feto husi organizasaun ka grupu no individual ; enkoraja no suporta grupu trabalhu tekniku hirak tuir limitasaun kbit komisaun nian ; hala’o mos atividade seluk nebe presiza. Ekipa Nasional ida-idak sei hala’o knar hanesan responsabiliza ba atividade iha ida-idak nia area ; fasilita komunikasaun entre grupus; enkoraja partisipasaun feto husi organizasaun ka grupu no individual ; enkoraja no suporta grupu trabalhu tekniku hirak tuir limitasaun kbit komisaun nian ; hala’o mos atividade seluk nebe presiza. III Kongresu Feto Timor Leste hetan apoio husi Governo RDTL, Norwegian Ministry of Foreign Affairs, UNIFEM, GTZ, Irish Aid, UNMIT, UNFPA, Oxfam Australia, Caritas Australia, Asia Foundation, Development and Peace Canada, ETWA, Trocaire no Blue Mountain Australia.
|
|
|
Skip to: site menu | section menu | main content
Currently viewing: 
Back to top
REDE FETO TIMOR LESTE is built upon its constituency - 18 women's oganizations coming from throughout the nation. It was established on March 10, 2000 during the first National Women Conggres.
More About Us :
Back to top