Governu Ajuda Orsamentu US26.400 ba Feto Faluk OecusseAmbeno, 21 Maio 2008 / STL-Jos Governu aloka orsamento ho montante U$26. 400 ba feto faluk no labarik orfonatu sira iha Distritu Oecusse. Ministra Ssolidariedade Soscial (MSS) Maria Domingas Alves hateten lia hirak nee bainhira marka prezensa planu Desiminasaun Politika Nasional Jestaun Risko Dezastre (DPNJRD) no forma komisaun dezastre natureza iha salaun inkontru Administrasaun Distritu Oecusse, Kinta feira (15/5). Nia hateten, bolsa da mãe nee importante atu ajuda labarik sira nebe inan aman laiha no sira nebe tama iha orfonatu. Labarik sira nebe direitamente atu simu bolsa da mãe nee, tenki hetan valor diak husi ensino primario too universidade. Bainhira sira hetan ona bolsa da mãe maka ninia valor la premiti entaun tenki fo fali ba ema seluk. Seremonia DPNJRD no forma komisaun dezastre natureza iha Distritu Oecusse nee halao iha salaun inkontru Administrasaun Distritu Oecusse, Kinta (15/5). Lukas Tois, nudar responsabel bolsa da mãe iha Distritu Oecusse, esplika katak, bolsa da mãe nee fo ba inan faluk sira mak laiha kbiit atu hatama oan sira ba eskola. Nunee mos ba labarik orfonatu sira para bele hetan sira nia futuru diak. Kada sub distritu, ensino primario sei hetan 45 alunus, ensino pre-sekundaria sei hetan 30 alunus, no ensino sekundario sei hetan 25 alunus. Distrito Oecusse nebe komposto husi sub-distrito 4, sei hetan benefisiaros 400 alunus inklui mos universidade iha rai laran no rai liur hanesan Indonezia. Programa bolsa da mãe nee kumesa selu ba labarik orfonatu sira kumesa 4 Abril-31 Dezembro 2008. Osan nee sei selu kada fulan walu. Ba alunus ensino primario kada ema ida hetan U$5.00, ba pre-sekundaria no sekundaria kada ema ida hetan U$10.00, inklui ensino superior ka universidade iha rai liur kada ema ida sei hetan U$200.00 no rai laran kada ema ida hetan U$500.00, kada mensal ho durasaun tinan ida. Ministra Maria Domingas Alves vizita Oecusse durante loron 3 (15-18/5) ho objektivu atu fahe informasaun konaba programa MSS nian. Alende nee, ensera mos treinamentu ba fungsionario MSS nian iha Oecusse. Iha okazisaun nee nee Ministra Alves inagura edificio foun Centro Regional MSS iha Ambeno. Ministra mos vizita centro komunitarios, orfonatu sira hanesan Topu Honis, koleigio madre Franciskan sira nian fatin nebe fo formasaun ba labarik feto sira nian, vizita Mota Tono nebe durante nee efeitus liu ba komunidadade hanesan dezastre natureiza. Aleinde ba Oecusse, Ministra Alves mos sei halao vizita trabailhu ba Maliana ho Ermera iha dia 27 de Maio. |
|
|
Skip to: site menu | section menu | main content
Currently viewing: 
Back to top
REDE FETO TIMOR LESTE is built upon its constituency - 18 women's oganizations coming from throughout the nation. It was established on March 10, 2000 during the first National Women Conggres.
More About Us :
Back to top