Komisaun E Parlamentu Nasional Diskuti Lei Violasaun Domestika
DILI 16 Maio 2008 / Suara Timor Leste
Komisaun E Parlamanto Nasional (PN) defini ona atu hahu halao
sikusaun ba projetu “Lei Violasaun Domestika” nebe sei gaveta governu
ka konselhu ministru nian.
Hafoin presidi reuniaun, Presidenti Komisaun E, Osorio Florindo ba
jurnalista hatete, asuntu importante nebe maka Komisaun E atu haree
maka Lei Violasaun dometika. Tanba numeru violasaun dometika iha rai
nee husi tinan ba tinan aas tebes.
“Estratejia oinsa komisaun defini hodi bolu sosiedade sivil tomak
nomos Mulher Parlamentu atu diskuti kkona ba lei ida nee,” Osorio
informa lia hirak nee ba jurnalista iha uma fukun boot PN, Dili, Kinta
(15/15).
Nia hatete , hare ba dadus nebe PN hetan baihira halao vizita ba
Oecusse foin lalais nee, iha keisa balun konaba violasaun seksual, liu
liu ba labarik estudante sira. Maibe, kazu sira nee rezolve liu husi
dalan adat, ida nee tanba ema baraksei hakruk ba sistema adat nian. Nee
duni, Komisaun E iha ona planu atu halo audensia ho lia nain sira hodi
fo opiniaun balun konaba problema hirak nebe iha relasaun ho solusaun
ba problema liu dalan adat laos liu husi dalan tribunal.
Nia salienta depois projetu lei hirak nee tama, Komisaun E prepara
atu lori ba distritu liu-liu ba lia nain sira atu halao komplisaun
oituan hodi haree kazu oinsa maka rezolve problema iha nivel adat nomos
nebe bele lori ba tribunal bainhira vitima ladun kontenti ho desisaun
adat nian.
Ozorio informa, projetu lei hirak nee sidauk tama iha PN tanba
kodigu prosesu penal tenke hetan autorizasaun lejislativu husi
Parlamentu Nasional, basaa lejislativu kodigu penal aprova maka hafoin
lei violasaun domestika mai iha PN hodi diskuti. Atu diskuti lei
violasaun domestika, PN sei serbisu hamutuk ho organizasaun feto no
mulheres loke audensia publiku antes diskuti no aprova.
Nunee mos iha reuniaun nee, Komisaun E mos halao evalusaun ba atividade komisaun nian durante iha Oecusse.
| 
